Bajrang Baan lyrics in hindi

Bajrang Baan lyrics in hindi

 

दोहा :

निश्चय प्रेम प्रतीति ते, विनय करेँ सनमान | 

तेहि ते कारज सकल शुभ , सिद्ध करे हनुमान || 

चौपाई : 

जय हनुमंत संत हितकारी | 

 सुन लीजै प्रभु अरज हमारी || 

जन के काज बिलंब न कीजै | 

आतुर दौरि महासुख दीजै || 

जैसे कूदि सिंधु महिपारा | 

सुरसा बदन पैठि विस्तारा || 

आगे जाय लंकिनी रोका | 

मारेहु लात गयी सुरलोका || 

जाय बिभीषण को सुख दीन्हा | 

सीता निरखि परमपद लीन्हा || 

बाग़ उजारि सिंधु मँह बोरा | 

अति आतुर जमकातर तोरा || 

अक्षय कुमार मारी संहारा | 

लूम लपेटी लंक को जारा || 

लाह समान लंक जरि गयी | 

जय जय धुनि सुरपुर नभ भई || 

अब बिलंब केहि कारण स्वामी | 

कृपा करहु उर अन्तर्यामी || 

जय जय लखन प्राण  के दाता | 

आतुर है दुःख करहु निपाता || 

जय हनुमान जयति बल सागर | 

सुर – समूह समरथ भटनागर || 

ॐ हनु हनु हनु हनुमंत हठीले | 

बैरिहि मारु बज्र की कीले || 

ॐ ह्नीं ह्नीं ह्नीं हनुमंत कपीसा | 

ॐ हुं हुं हुं हनु अरि उर सीसा || 

जय अंजनी कुमार बलवंता | 

शंकरसुवन वीर हनुमंता || 

बदन कराल कुल घालक | 

राम सहाय सदा प्रतिपालक || 

भुत, प्रेत, पिसाच निसाचर | 

अग्नि बेताल काल मारी मर || 

इन्हे मारु तोहि सपथ राम की | 

राखु नाथ मरजाद नाम की || 

सत्य होहु हरी सपथ पाई के | 

राम दूत धरु मरू धाई के || 

जय जय जय हनुमंत अगाधा | 

दुःख पावत जन केहि अपराधा || 

पूजा जप तप नेम अचारा | 

नहीं जानत कछु दास तुम्हारा || 

बन उपबन मग गिरी गृह माहीं |

तुम्हरे बल हों डरपत नाहीं || 

जनकसुता हरि दास कहावों | 

ताकि सपथ बिलंब न लावौ || 

जै जै जै धुनि होत अकाशा | 

सुमिरत होय दुसह दुःख नाशा || 

चरण पकरि कर जोरि मानवोँ | 

यही औसर अब केहि गोहरावौं॥

उठु , उठु चलु , तोहि राम दुहाई | 

पायँ परौं, कर जोरि मनाई॥

ॐ चं चं चं चं चपल चलंता | 

ॐ हनु हनु हनु हनु हनुमंता || 

ॐ हं हं हाँक देत कपि चंचल | 

ॐ सं सं सहमि पराने खल – दल || 

अपने जन को तुरत उबारौ | 

सुमिरत होय आनंद हमारौ || 

यह बजरंग बाण  मारै| 

ताहि कहौ फिरि कवन उबारै || 

पाठ करे बजरंग बाण की | 

हनुमंत रक्षा करे प्राण की || 

यह बजरंग बाण जो जापैं | 

तासों भूत प्रेत सब काँपे || 

धुप देय जो जपे हमेशा | 

ताके तन नहीं रहै कलेसा || 

दोहा  : 

उर प्रतीति, दृढ़ सरन है , पाठ करे धरि ध्यान | 

बाधा सब हर , करें सब काम सफल हनुमान || 

 

For Durga Chalisa Click Here

 

Leave a Comment

error: Content is protected!!